KorriGo, kartenn ar beajoù hag ar servijoù e Breizh !

© Charles Crie

Ar gartenn KorriGo zo ur gartenn bersonel ha war hoc’h anv, ganti e c’hallit implijout tost an holl rouedadoù treuzdougen ha kalz a servijoù publik all e pep lec’h e Breizh.

 Ar perzhioù mat :

• Digoust eo (krouiñ hag adneveziñ)
• Padout a ra 7 vloaz
• N’eus tamm teul paper ebet ken
• Ganti e c’haller implijout servijoù fiñvusted : parklec’hioù, gwaskedoù evit divrodegoù, beloioù emservij ha kirri kenlodet…
• Ganti e c’haller, e kêrioù zo, implijout servijoù ar vuhez pemdez : levraouegoù, poulloù-neuial, adkargañ ar c’hirri tredan…

Penaos krouiñ ma c’hartenn KorriGo ?

Evit ar goulenn kentañ e c’hallit  :

• Mont da ajañs ho rouedad pe d’un stal KorriGo (e tiez-gar Roazhon ha Sant-Brieg)
• Ober ar goulenn enlinenn war-eeun e lec’hienn ho rouedad

Dibab a ran ar rouedad treuzdougen a implijan da gustum hag urzhiadiñ a ran ma c’hartenn KorriGo enlinenn war-eeun ! 

Ar postoù krouiñ kartennoù

Ho kartenn KorriGo a c’hallit kaout gant ur post krouiñ kartennoù KorriGo ivez. Er mareoù-mañ emeur oc’h ober un taol-arnod en Il-ha-Gwilen gant postoù krouiñ kartennoù hag a c’hall an dud krouiñ o c’hartenn ganto e servijoù d’an dud e Roazhon Meurgêr.

Lenn Penndivizoù Implijout ar postoù krouiñ kartennoù.

Ar rummadoù kartennoù Korrigo

Daou rummad kartennoù KorriGo zo :

• Ar gartenn KorriGo Servijoù war hoc’h anv : hoc’h anv, anv-bihan hag ur poltred a vo moullet war ar gartenn, enrollet e vo ho profil enni ha miret e vo ar roadennoù-se e diaz-roadennoù ar rouedad treuzdougen m’eo bet krouet ho kartenn KorriGo abalamour da sevel ur fichenn bratik.

• Ar gartenn-disklêriañ KorriGo Servijoù : hoc’h anv, anv-bihan hag ur potlred a vo moullet war ar gartenn hag enrollet e vo ho profil enni met ar roadennoù-se ne vint ket miret gant ar rouedad treuzdougen m’eo bet krouet ho kartenn abalamour da sevel ur fichenn bratik. Taolit evezh : ma vez kollet pe laeret ur gartenn-disklêriañ ne c’hallo ket ar pezh a oa enni bezañ adkavet, neuze e vo kollet an teulioù treuzdougen ganeoc’h.

Penaos adneveziñ ma c’hartenn?

Pa vez erru ho kartenn e fin he zalvoudegezh (goude 7 vloaz) eo digoust an adneveziñ, a zo da vezañ graet gant ho rouedad kustum..
 
Muioc’h a ditouroù AMAÑ ma vez bet kollet pe laeret ho kartenn